{"id":2224,"date":"2020-10-19T16:05:43","date_gmt":"2020-10-19T16:05:43","guid":{"rendered":"https:\/\/turismo.assomozas.es\/?page_id=2224"},"modified":"2020-11-22T18:31:28","modified_gmt":"2020-11-22T18:31:28","slug":"escola-aurora-de-somozas","status":"publish","type":"page","link":"https:\/\/turismo.assomozas.es\/gl\/escola-aurora-de-somozas\/","title":{"rendered":"Escola Aurora de Somozas"},"content":{"rendered":"\n\n\n\n
\n

\"\"<\/a><\/p>\n

43.52636, -7.94052

<\/p>\n<\/td>\n

\n

\"\"<\/a><\/p>\n

A Garita

<\/p>\n<\/td>\n

\n

\"\"<\/a><\/p>\n

As Somozas (Santiago Ser\u00e9)

<\/p>\n<\/td>\n<\/tr>\n<\/tbody>\n<\/table>\n

A Sociedade de Instruci\u00f3n e Beneficencia A Aurora de Somozas foi fundada o 6 de xu\u00f1o de 1909 na Habana. O seu obxectivo foi o fomento da loita contra o analfabetismo -que alcanzaba ao 70% da poboaci\u00f3n en 1900- e a escaseza de escolas rurais, eivas que abocaban \u00e1 pobreza e \u00e1 emigraci\u00f3n a moitos galegos, que en destino v\u00edanse obrigados, ante a s\u00faa falta de formaci\u00f3n, a realizar duros traballos para sobrevivir. Entre os seus varios proxectos estiveron a promoci\u00f3n e patrocinio do ensino e instruci\u00f3n gratu\u00edtas entre os habitantes do Concello de Somozas, algo que buscou mediante d\u00faas escolas itinerantes (Somozas- Recemel e Enchousas-Seixas), con docencia temporal de tres a seis meses, ademais deste edificio de As Garitas, que materializou os so\u00f1os educativos de moitas familias.<\/p>\n

A escola consta de dous andares nos que se reco\u00f1ecen os canons do interesante \u201chixienismo\u201d de inicios do s\u00e9culo XX: emprazamento saudable estrat\u00e9xico para unha aireaci\u00f3n natural que evitase epidemias; gran amplitude e servizos hixi\u00e9nicos, para comodidade dos seus usuarios e facilitar unha correcta organizaci\u00f3n docente; boas condici\u00f3ns de iluminaci\u00f3n natural, buscadas con amplos ocos cara o exterior; a loita contra as humidades, mediante unha grosa base que separaba o chan do edificio do terreo.<\/p>\n

O edificio iniciouse en abril 1936 para finalizarse o ano seguinte e, a\u00ednda que moitas destas escolas quedaron clausuradas pouco despois no medio dos convulsos acontecementos do pa\u00eds, esta logrou sobrevivir coa s\u00faa actividade ata os anos 1970. Arquitectonicamente consta de planta rectangular con dous niveis e cuberta a d\u00faas augas, o que habilita un faiado. Est\u00e1 constru\u00edda con cachoter\u00eda irregular de pedra do pa\u00eds e ten un encalado exterior que vai desaparecendo. Na fachada rem\u00e1rcanse os vans mediante molduras simples que nos antepeitos sost\u00e9\u00f1ense sobre unha especie de sinxelas m\u00e9nsulas, \u00e1 vez que no resto x\u00f3gase co estilo \u201cchagado\u201d para dar a sensaci\u00f3n de regularidade nos perpia\u00f1os. Util\u00edzanse bandas horizontais para dar realce ao conxunto, utilizando un beiril e unha cornixa para separar os pisos, delimitando esta unha especie de front\u00f3n na parte superior.<\/p>\n

As escolas dos emigrantes estaban ben dotadas, con moderno mobiliario e material did\u00e1ctico novo, non faltando libros de texto actualizados, mapas, ferramentas de escritura, bibliotecas completas e material de laboratorio elemental, como term\u00f3metro ou mesmo microscopio, de maneira que pod\u00edan afrontar con garant\u00eda diferentes materias e nun ensino moderno e t\u00e9cnico, que moitas veces era laico e de car\u00e1cter liberal.<\/p>\n

As Sociedades Galegas de Instruci\u00f3n na emigraci\u00f3n constitu\u00edronse nun fen\u00f3meno sen parang\u00f3n, existindo entre 1904 e 1936 un total de 525 en toda Galicia que fomentaron 235 novos colexios e 336 aulas, de tal xeito que en 1933 a taxa de analfabetismo descendeu ata o 45%. Entenderase as\u00ed o valor do nome da Sociedade, La Aurora<\/em>, alegor\u00eda dun novo ma\u00f1\u00e1 para as nenas e nenos daquela terra tan empobrecida economicamente.<\/p>\n