{"id":2237,"date":"2020-10-19T17:36:14","date_gmt":"2020-10-19T17:36:14","guid":{"rendered":"https:\/\/turismo.assomozas.es\/?page_id=2237"},"modified":"2020-11-22T18:18:11","modified_gmt":"2020-11-22T18:18:11","slug":"capela-de-san-isidro","status":"publish","type":"page","link":"https:\/\/turismo.assomozas.es\/gl\/capela-de-san-isidro\/","title":{"rendered":"Capela de San Isidro"},"content":{"rendered":"\n

\"\"<\/a><\/p>\n\n\n\n
\n

\"\"<\/a><\/p>\n

43.51969, -7.94638

<\/p>\n<\/td>\n

\n

\"\"<\/a><\/p>\n

A Barreira

<\/p>\n<\/td>\n

\n

\"\"<\/a><\/p>\n

As Somozas (Santiago Ser\u00e9)

<\/p>\n<\/td>\n<\/tr>\n<\/tbody>\n<\/table>\n

Tr\u00e1tase dunha lograda obra situada \u00e1 beira do R\u00edo Pequeno, que en menos de tres quil\u00f3metros de aqu\u00ed unirase co Grande para dar vida \u00e1 principal vea fluvial que forma a r\u00eda de Ferrol. Esta ermida situada na chaira fluvial, disponse orientada cara ao Leste no medio dun espazo aberto pr\u00f3ximo ao que se co\u00f1ece como o Machuco Vello, que polo seu nome responde a unha antiga e pequena ferrer\u00eda. Tr\u00e1tase dun templo de nave \u00fanica e planta rectangular, cuxa sinxeleza contrasta con alg\u00fan dos seus elementos e vese realzada polas coidadas restauraci\u00f3ns de que foi obxecto recentemente. A s\u00faa orixe debe ser bastante antiga, pois unha das cartelas da s\u00faa fachada lembra que xa foi reedificada no ano de 1903 por Pedro Mart\u00ednez Anidos. Outra cartela indica que estamos ante a Hermita de San Isidro<\/em>, mentres unha terceira inscrici\u00f3n, lateral, reco\u00f1ece a interesante restauraci\u00f3n m\u00e1is moderna levada a cabo polos veci\u00f1os no ano 2005.<\/p>\n

Os rechamantes muros deixan \u00e1 vista cachoter\u00eda en roca diversa, con alg\u00fans perpia\u00f1os mellorando a estrutura nos esquinais, todo iso encintado en cor clara que destaca o contraste crom\u00e1tico nos seus materiais. En ambos os dous laterais \u00e1brese unha pequena xanela de estilo g\u00f3tico, con xambas, antepeito e arco realizados en toelo.<\/p>\n

A fachada recolle os elementos m\u00e1is importantes. Por unha banda, a porta e a xanela superior enm\u00e1rcanse por molduras tam\u00e9n en rechamante pedra de toelo<\/em> de variedade avermellada, presentando linteis a modo de arcos conopiais. Estas figuras resultan pouco frecuentes na arquitectura galega, menos a\u00ednda na popular e case unha excepcionalidade no medio rural, outorgando un aspecto realmente orixinal \u00e1s trazas art\u00edsticas do cenobio. Pola s\u00faa banda, encima do tellado en lousa e a d\u00faas augas el\u00e9vase unha lanzal espadana, que lembra coa s\u00faa forma a un moldurado pi\u00f1\u00f3n g\u00f3tico. Dous pin\u00e1culos laterais imitan a propia forma do conxunto, que co seu pin\u00e1culo superior sost\u00e9n unha sinxela cruz met\u00e1lica latina.<\/p>\n

O lugar conta con mesa e bancos, unha fonte con curiosa p\u00eda de pedra e un asador.<\/p>\n