{"id":2258,"date":"2020-10-20T08:25:10","date_gmt":"2020-10-20T08:25:10","guid":{"rendered":"https:\/\/turismo.assomozas.es\/?page_id=2258"},"modified":"2020-11-22T18:34:59","modified_gmt":"2020-11-22T18:34:59","slug":"igrexa-de-santa-maria-de-seixas","status":"publish","type":"page","link":"https:\/\/turismo.assomozas.es\/gl\/igrexa-de-santa-maria-de-seixas\/","title":{"rendered":"Igrexa de Santa Mar\u00eda de Seixas"},"content":{"rendered":"\n

\"\"<\/a><\/p>\n\n\n\n
\n

\"\"<\/a><\/p>\n

43.54025, -7.8925

<\/p>\n<\/td>\n

\n

\"\"<\/a><\/p>\n

Seixas

<\/p>\n<\/td>\n

\n

\"\"<\/a><\/p>\n

Seixas (Santa Mar\u00eda)

<\/p>\n<\/td>\n<\/tr>\n<\/tbody>\n<\/table>\n

\u00a0<\/p>\n

Santa Mar\u00eda de Seixas \u00e9 unha das parroquias que naceu en 1895 da fragmentaci\u00f3n da matriz Santiago Ser\u00e9 das Somozas. As s\u00faas trazas neog\u00f3ticas proceden do tr\u00e1nsito entre os s\u00e9culos XIX e XX, en concreto de 1899, como versa nunha inscrici\u00f3n da s\u00faa fachada. Ao contrario que as demais igrexas do municipio, de planta rectangular, esta pres\u00e9ntaa en cruz latina, na que se diferencian a nave, d\u00faas capelas laterais, o presbiterio e unha sancrist\u00eda traseira.<\/p>\n

No exterior destacan varios elementos, por exemplo, a existencia de dous campanarios, algo que se observa noutras igrexas do municipio. Ao habitual, de maior monumentalidade e con camp\u00e1s de gran talla usadas en actos funerarios e acontecementos importantes, s\u00famase unha espadana m\u00e1is pequena sobre o pique do muro traseiro do presbiterio, na que unha camp\u00e1 menor toca o inicio dos oficios lit\u00farxicos. A posici\u00f3n elevada e exposta fai que estes elementos sexan fr\u00e1xiles ante temporais, raios e tremores de terra, seguramente por iso o maior \u00e9 m\u00e1is moderno e de cemento, ao contrario que a espadana traseira, pois se elaborou en toelo<\/em>, a rocha orixinal da zona. Esta \u00e9 simple pero de gran beleza realzada pola s\u00faa coroaci\u00f3n de cruz e dous pin\u00e1culos. Deste tipo de pedra fix\u00e9ronse tam\u00e9n os esquinais, linteis de portas e xanelas, o c\u00edrculo con vent\u00e1 da fachada e o semic\u00edrculo coa custodia que anuncia a data de construci\u00f3n, quedando o resto recebado e encalado.<\/p>\n

O interior, ben iluminado por amplos vans rectangulares, destaca polo coro, con porta de acceso ao campanario, as\u00ed como polo teito resolto nunha b\u00f3veda rebaixada de madeira que, no presbiterio, c\u00f3brese cunha b\u00f3veda de aresta. Sobre ela, o teito \u00e9 de d\u00faas augas salvo na pequena sancrist\u00eda, que se comp\u00f3n de tres. O presbiterio queda ben delimitado por un arco de medio punto rebaixado que se apoia en pilastras. A ornamentaci\u00f3n c\u00e9ntrase no retablo que preside o altar maior, chamando a atenci\u00f3n a s\u00faa singular policrom\u00eda.<\/p>\n